Pylli i fazanëve në Maliq është një nga destinacionet më tërheqëse për ata që kërkojnë qetësi, ajër të pastër dhe një lidhje të ngushtë me natyrën. Ai është i njohur për faunën e tij të larmishme, duke përfshirë fazanët, sorkadhet, lepujt dhe dhelprat, të cilat mund të shihen nga afër gjatë shëtitjeve në natyrë.

Kjo e bën atë një vend ideal për piknikë familjare, aktivitete edukative dhe relaksim në natyrë. Përgjegjësi i këtij pylli Niko Demollari thotë se interesi për ta vizituar ka ardhur në rritje, ku vitin e kaluar janë shënuar 6 mijë vizitorë, ndërsa këtë vit deri tani ky pyll është vizituar nga rreth 3 mijë vizitorë.

“Vizitor të shumtë ka jo vetëm nga banorët e zonës por edhe pushues nga qytete të tjera, gjithashtu edhe vizitor të huaj”, u shpreh Niko Demollari, Përgjegjës i Pyllit të Fazanëve.

Gjatë verës, pylli ofron freski dhe është një vend i preferuar për banorët lokalë dhe turistët që dëshirojnë të largohen nga zhurma e qytetit. 

Gazetare: Geralda Manushi

/rtsh.al/