Në kuadër të përmbushjes së objektivave për vizionin Shqipëria 2030 dhe për avancimin e procesit të integrimit europian, kryeministri Edi Rama zhvillon një takim pune me kryetarët e të gjitha bashkive në vend, me fokus në përmirësimin e performancës lokale dhe forcimin e rolit të pushtetit vendor.

Takimi synon analizimin e sfidave aktuale në qeverisjen vendore dhe për të identifikuar zgjidhje konkrete në funksion të një zhvillimi të qëndrueshëm dhe të koordinuar me prioritetet kombëtare dhe standardet e Bashkimit Europian.

Përmirësimi i treguesve të qeverisjes vendore pritet të jetë fokusi i takimit të punës së kryeministrit Rama me kryebashkiakët, ndër to edhe:

• Paketa për zhvillimin e zonave malore;
• Legalizimet dhe proceset e zgjidhjes së çështjeve pronësore;
• Ligji për bashkëpronësinë dhe zbatimi i tij në praktikë;
• Roli i pushtetit vendor në procesin e integrimit europian;
• Bujqësia dhe fermerët.

Gazetare: Denada Shkodrani

/rtsh.al/