Rreth 370 fëmijë palestinezë mbeten të burgosur në qendrat e paraburgimit izraelite, sipas një raporti të ri të Qendrës Palestineze për Avokimin e të Burgosurve.

“Në fillim të muajit gusht 2026, rreth 370 fëmijë palestinezë po mbaheshin në burgjet izraelite, shumica prej tyre në burgjet Megiddo dhe Ofer, ndër më shumë se 9.400 të burgosur dhe të paraburgosur palestinezë, sipas të dhënave të përpiluara nga Qendra Palestineze për Avokimin e të Burgosurve”, thuhet në raport.

Raporti thekson se paraburgimi i fëmijëve palestinezë në burgjet izraelite nuk është më një rast i jashtëzakonshëm apo i izoluar. “Ai është kthyer në një tipar të përsëritur të fushatave izraelite të arrestimeve në Bregun Perëndimor të okupuar dhe në Jeruzalem”, nënvizon raporti.

Sipas të dhënave, 276 fëmijë janë arrestuar nga forcat izraelite gjatë gjashtë muajve të parë të këtij viti.

Raporti vë në dukje gjithashtu se Izraeli vazhdon të përdorë paraburgimin administrativ pa akuzë dhe pa gjyq.

/rtsh.al/