Procesi i rehabilitimi i fasadave të pallateve në Shkodër po përfshinë gjithnjë dhe më shumë zona të qytetit. Aktualisht, punimet po vijojnë në zonën e “Ura Dervishbe”, ku janë të  përfshirë 10 pallate. Restaurimi ka përfunduar në tre prej tyre, ndërsa procesi vazhdon për të tjerat.

“S’ka gjë më të bukur”, u shpreh një banor.

“Kjo ndikime shumë të mira qoftë nga ana ekonomike ashtu dhe estetike”, tha një banor tjetër.  

Ky projekt i Bashkisë Shkodër që po zbatohet nga  Fondi Shqiptar i Zhvillimit, ka nisur afro dy vite më parë dhe deri më tani janë restauruar fasadat e dhjetëra pallateve përgjatë zonave dhe rrugëve kryesore të qytetit.

Përveç termoizolimit të fasadave të jashtme përmes sistemit kapot, projekti përfshin edhe hidroizolimin e tarracave, me qëllim përmirësimin e kushteve të banimit dhe efikasitetit energjetik në ndërtesat ekzistuese. Ndërkohë projekti pritet të shtrihet në të gjitha lagjet e qytetit

Gazetar: A.Hoti

/rtsh.al/