Kisha 1.300 vjeçare në fshatin Arrëz të Lushnjës ka nisur të restaurohet. Ndërhyrja ishte urgjente për shkak se rrezikohej shembja e një prej monumenteve më të vjetra historike të Myzeqesë. Punimet po mbështeten nga Instituti Kombëtar i Trashëgimisë Kulturore po bëhen në çatinë e kishës si dhe muret të dëmtuara nga agjentë atmosferikë ndër vite si dhe tërmetet:

Kisha e “Shën Todrit”, e cila mendohet se është e dyta më e vjetër pas manastirit të Ardenicës mbart në vetvete jo vetëm vlera historike e fetare, por edhe arkitekturore, ndaj dhe mban statusin “Monument kulture i kategorisë së pare”. Për shkak të amortizimit Ishte e mbyllur për besimtarët që prej vitit 2020. Veç godinës, drejtuesi I saj thotë se është i rëndësishëm dhe rikonstruksioni i rrugës që të çon aty:.

Afati i punimeve është pesë muaj. Ritmet e punës janë të kënaqshme dhe ajo do t’u kthehet besimtarëve ortodoksë përpara afatit.

Pas kishës në Bishqethëm kjo është kisha e dytë që restaurohet në Lushnje.

/rtsh.al/