Roma godet Interin në “San Siro”, një mundësi për Napolin

Futboll Bota | 2 vite më parë

Interi dështon, Roma fluturon. Pas humbjes kundër Bolonjës në kampionat dhe kundër Milanit në Kupën e Italisë, në ndeshjen e javës së 34-të të Serisë A, skuadra e Inzaghit humbi 1-0 ndaj të besuarve të Ranierit dhe i dha Napolit një mundësi të artë për të bërë një kapërcim në krye të tabelës.

Në San Siro në pjesën e parë verdhekuqtë zhbllokuan ndeshjen me Soulé (22′), nuk arritën të finalizojnë përsëri me Cristante dhe Shomurodov dhe zmbrapsën reagimin e zikaltërve.

Në pjesën e dytë, Interi sulmoi, por formacioni i Ranierit qëndroi i vendosur dhe humbi mundësinë për të dyfishuar epërsinë në kundërsulm me Pellegrinin, Pisillin dhe Dovbyk.

Në fund, zikaltërit protestuan për një ndalim të parregullt në zonën e rreptësisë nga Ndicka ndaj Bisseck. Roma me 60 pikë dhe gjithnjë e më shumë në garë për zonën e Champions League.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.