Rregullorja e BQK për dinarin serb, kryenegociatorët Bislimi dhe Petkoviq takohen sot në Bruksel

Rajon | 3 vite më parë

Kryenegociatorët e Kosovës e Serbisë do takohen sërish këtë të hënë (25 mars) në Bruksel në lidhje me ndërmjetësimin e të Dërguarit të Posaçëm të Bashkimit Evropian për dialog, Miroslav Lajçak.

Takimi i sotëm mes Besnik Bislimit dhe Petar Petkoviq vjen një javë pas atij që u mbajt më 19 mars në Bruksel në lidhje me rregulloren e Bankës Qendrore të Kosovës për ndalimin e përdorimit të dinarit serb prej 1 shkurtit, si dhe me zbatimin e Marrëveshjes së Ohrit dhe Aneksin e saj të Zbatimit.

Në këtë takim, kryenegociatorët Bislimi dhe Petkoviq ranë dakord që deri më 22 mars të çonin propozimet për zgjidhjen e krizës së dinarit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.