Polonia ka arrestuar disa persona të lidhur me incidentet e sabotimit hekurudhor gjatë fundjavës. Lajmi është bërë me dije nga zëdhënësi i ministrit polak të shërbimeve të sigurisë, Jacek Dobrzyński, i cili e konsideroi këtë akt si sul terrorist.

 “Shërbimet polake të sigurisë kanë shumë më tepër informacion. Ato janë në gjurmët e drejtuesve; janë në gjurmët e autorëve të krimit …Konfirmoj se, me të vërtetë, arrestimet e para po ndodhin tani. Personat e përfshirë po mbahen të ndaluar nga Agjencia e Sigurisë së Brendshme dhe nga policia, dhe në këtë fazë, nuk mund t’ju jap më shumë detaje. Disa persona po ndalohen” dhe “po merren në pyetje” në lidhje me rolin e tyre në “këtë sulm terrorist, sepse mund ta quajmë kështu”, deklaroi ai.

Ndërkohë Polonia ka tërhequr pëlqimin për hapjen e konsullatës së fundit ruse në Poloni. Duke folur në një konferencë për shtyp pas fjalimit të tij në Sejm, Sikorski thotë se në përgjigje të incidenteve të sabotimit hekurudhor, Polonia do të tërheqë pëlqimin për në fakt do të mbyllë konsullatën e fundit ruse të mbetur në Poloni , qytetin verior polak të Gdańsk.

Dy të mëparshmet, në Poznań dhe Krakóë, u mbyllën në përgjigje të incidenteve të mëparshme të sabotimit, të cilat Polonia pretendonte se ishin të frymëzuara nga Rusia.

Mbi këtë vendim ka reaguar dhe Kremlini, i cili e konsideron vendimin e Polonisë për të mbyllur konsullatën ruse si jo të shëndoshë mendërisht.

/rtsh.al/