Safet Gjici del nga burgu, Apeli ndryshon masën në arrest shtëpie

Aktualitet | 1 vit më parë

Gjykata e Apelit të Juridiksionit të Përgjithshëm në Tiranë ka vendosur të ndryshojë masën e dënimit penal për ish-kryetarin e Bashkisë Kukës, Safet Gjici. Sipas vendimit të ri, pjesa e mbetur e dënimit të tij nuk do të kryhet më në burg, por në formën e qëndrimit në banesë.

Ky vendim vjen pas shqyrtimit të kërkesës së vetë të dënuarit, i cili kërkoi një masë më të butë. Gjykata ka vlerësuar kërkesën dhe ka vendosur në favor të ndryshimit të regjimit të vuajtjes së dënimit.

Në përputhje me vendimin e gjykatës, Gjici do të qëndrojë në banesë, ku do të jetë nën masën e arrestit shtëpiak deri në përfundim të afatit të dënimit të tij.

Safet Gjici u dënua më herët për një çështje penale që çoi edhe në largimin e tij nga posti i kryebashkiakut të Kukësit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.