“Sahati i Shkodrës” rinis tik-tak- un, prej 30 vitesh nuk ishte funksionale

Sociale | 2 vite më parë

Qytetit të Shkodrës i është kthyer sahati pas 3 dekadash, një nga simbolikat e qytetit që prej vitesh nuk ishte funksionale.

Ka qenë një iniciativë e Kryetarit të Bashkisë Benet Beci i cili ka kërkuar që kjo vepër të rivihej në funksion, ndërkohë që gjatë verifikimit u gjet mekanizmi i orës mbi 120 vjeçare.

Petrit Bilali një prej kontribuuesve ndjehet i lumtur për rikthimin e Sahatit të Shkodrës në gjendje pune.

Sahati i Shkodrës i dha emrin krejt zonës, duke shërbyer si toponim për shkodranë dhe vizitorë.

Mekanizmi 120 vjeçar i sahatit, tashmë do të ruhet në muzeun e Shkodrës teksa qytetit i është rikthyer funksional një nga simbolet e tij.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.