Shqip
English
Français
Deutsch
Ελληνικά
Italiano
Srpski
TürkçeSarandë, tre të mitur hasin në një pistoletë “TT” të fshehur në një çantë dore, policia sekuestron armën dhe nis hetimet
Në Sarandë, tre fëmijë të mitur, të cilët po luanin në rrugën “Onhezmi”, kanë gjetur të braktisur një armë zjarri të llojit pistoletë “TT”, e cila ishte fshehur brenda një çante dore.
Ngjarja, sipas gazetares së RTSH 24, ndodhi pasditen e sotme në një zonë të frekuentuar të qytetit bregdetar. Fëmijët kanë vënë re çantën e dyshimtë dhe, pasi kanë parë brenda saj, kanë konstatuar armën e zjarrit.
Menjëherë pas denoncimit, në vendngjarje kanë mbërritur forca të shumta të Policisë së Sarandës. Efektivët kanë rrethuar zonën me shiritin e sigurisë dhe kanë kryer këqyrjen e vendit të ngjarjes. Arma, pistoleta tip “TT”, është marrë në cilësinë e provës materiale për t’iu nënshtruar ekspertizës balistike, me qëllim verifikimin nëse arma është përdorur në ngjarje kriminale.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Skënderbeu, trajneri Ahmataj: Një krosim në zonë dhe… pësuam gol
Më të lexuarat
