Shqipëria në Zi për Papa Françeskun – Rama: Një mik i jashtëzakonshëm i Shqipërisë

Aktualitet | 2 vite më parë

Në shenjë nderimi për jetën dhe veprën e Papa Françeskut, Shqipëria shpalli 26 prillin ditë zie kombëtare. Vdekja e Atit të Shenjtë, i cili njihej jo vetëm si një udhëheqës shpirtëror i jashtëzakonshëm por edhe si një mik i afërt i shqiptarëve, ka ngjallur reagime të ndjera në vend.

Në një postim në rrjetet sociale, Kryeministri Edi Rama ka ndarë një mesazh të ndjerë për Papa Françeskun i cili thekson se Ati i Shenjtë ka qenë një mik i Shqipërisë.

“Mirëmëngjes dhe duke nderuar në këtë ditë zie kombëtare jo vetëm një Papë të jashtëzakonshëm, po edhe një mik të jashtëzakonshëm të Shqipërisë, Françeskun, Atin e Shenjtë, ju uroj të gjithëve një të shtunë të qetë me familjet tuaja”, shkruan Rama.

/rtsh.al/

Dite Zie

edi rama

Shqiperia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.