Situata në Gjirokastër – Qarkullimi në normalitet, mjegull në aksin Tepelenë–Kakavi

Aktualitet | 11 muaj më parë

Gjendja në qarkun e Gjirokastrës paraqitet e qëndrueshme. Gjatë natës nuk janë regjistruar reshje shiu, përveç një intensiteti shumë të ulët, pa krijuar probleme në territor. Në aksin rrugor Tepelenë–Kakavi vihet re prezencë e mjegullës, e cila vështirëson qarkullimin e automjeteve dhe kërkon kujdes të shtuar nga drejtuesit e mjeteve.

Sipas informacioneve nga OSHEE, furnizimi me energji elektrike është normal në të gjithë qarkun, me përjashtim të një fideri që furnizon pjesërisht zonën industriale të qytetit të Gjirokastrës. Furnizimi me ujë të pijshëm për popullatën vijon pa probleme.

Të gjitha akset rrugore kombëtare në qark janë të hapura dhe qarkullimi kryhet normalisht. Po ashtu, niveli i lumenjve Vjosë dhe Drino paraqitet brenda kuotave normale, pa shfaqur rrezik për situata përmbytjesh.

/rtsh.al/

Gjirokastër

tepelene

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.