Situatë normale në doganën e Qafë-Botës, por mbetet i pezulluar kalimi i mjeteve për qëllime tregtare

Aktualitet | 1 vit më parë

Një ditë pas operacionit të policisë greke, në pikën doganore të Qafë Botës, qarkullimi i automjeteve dhe lëvizja e këmbësorëve vijon normalisht.

Përjashtim bëjnë mjetet që transportojnë mallra dhe që duhet të kalojnë në procedura doganore. Për kamionët dhe mjetet me ngarkesa tregtare, lëvizja është pezulluar përkohësisht.

Në aksionin e ditës së enjte, 13 punonjës të doganës Mavromati u vunë nën arrest të dyshuar për marrje ryshfeti dhe abuzim me detyrën në kuadër të një skeme të dyshuar të kontrabandës dhe shmangies së kontrolleve kufitare.

Ky zhvillim solli pezullimin e plotë për 5 orë të lëvizjes në doganë, ndërsa rivendosja e shërbimit të kalimit të automjeteve u bë me punonjës të rinj.

Gazetare: Heriselda Dyrmishi

/rtsh.al/

qafe bota

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.