Sot përpjekja e 20 për konstituimin e Kuvendit të Kosovës

Kosovë | 1 vit më parë

Kuvendi i Kosovës ka hyrë në një ngërç politik sa i përket konstituimit të tij. Këtë të premte, deputetët do të mblidhen sërish në përpjekjen e tyre të 20-të për konstituimin e Kuvendit.

Seanca e sotme e Kuvendit do të nisë në orën 10:00, ndërsa kujtojmë se vetëm dy ditë më parë, deputetët u mblodhën në Parlament në përpjekjen e 19-të për konstituimin e legjislaturës së 9-të ndonëse edhe në këtë seancë dështoi sërish formimi i komisionit për votim të fshehtë për zgjedhjen e kryeparlamentarit.

Në seancën e së mërkurës nuk u arrit kuorumi i nevojshëm për komisionin zgjedhor për zgjedhjen e kryetarit të Kuvendit, pasi subjektet politike parlamentare, PDK, LDK, Lista Serbe dhe AAK-Nisma, nuk propozuan deputetë për anëtarë të këtij komisioni.

Partitë politike fajësojnë njëra-tjetrën për bllokadën e krijuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.