Dumani reagon ‘Live’ për ‘Trialog’ në RTSH: Deklarata e kreut të SPAK për statusin e prokurorëve të posaçëm është institucionale, jo personale

Aktualitet | 1 vit më parë

Struktura e Posaçme Anti-Korrupsion (SPAK) ka reaguar drejtpërdrejt gjatë transmetimit të emisionit “Trialog” në RTSH 1, për të sqaruar diskutimin e zhvilluar një natë më parë në studio. Debati i mëparshëm kishte qenë i fokusuar te tema “Pse po largohet Altin Dumani nga SPAK?” dhe çështja e statusit të prokurorëve të posaçëm.

Përmes një mesazhi dërguar moderatores Alba Alishani, zyra e shtypit e SPAK theksoi natyrën e vërtetë të qëndrimeve të Kreut të Strukturës, Altin Dumani.

“Deklarata e z. Dumani për statusin e prokurorëve të posaçëm është më e madhe se vetë ai. D.m.th. është institucionale dhe jo personale. Duhet nënvizuar kjo,” thuhet në mesazhin zyrtar të SPAK.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.