Ministri për Evropën dhe Punët e Jashtme, Igli Hasani ishte i pranishëm në takimin e punës mbi “Gratë, Paqen dhe Sigurinë”, organizuar nga Departamenti Amerikan i Shtetit. Në një postim në X (dikur Twitter), Hasani shkruan se vendoi ynë mbetet “plotësisht i përkushtuar” për rritjen e përgjegjshmërisë në agjendën e ‘Grave, Paqes dhe Sigurisë’”

 Ministri shkruan se në takim, mes të tjerash u diskutua edhe mbi rolin e grave në adresimin e sfidave të reja të sigurisë dhe luftimin e kërcënimeve terroriste.

“Uashington/ Shqipëria mbetet plotësisht e përkushtuar për rritjen e përgjegjshmërisë në agjendën e Grave, Paqes dhe Sigurisë.

Në takimin e punës mbi Gratë, Paqen dhe Sigurinë organizuar nga Departamenti Amerikan i Shtetit diskutuam mbi rolin kritik të grave në adresimin e sfidave të reja të sigurisë, luftimin e kërcënimeve terroriste, trajtimin e çështjeve mjedisore, si ndryshimet klimatike dhe ndikimin ndaj teknologjive të reja”, shkruan Hasani.

/rtsh.al/