Teatri Metropol çel sezonin e ri me “Marmelladov”, shfaqja do të ngjitet në skenë më 5, 6 dhe 7 shtator

Kulturë | 1 vit më parë

Teatri Metropol hap siparin e sezonit të ri artistik me shfaqjen “Marmelladov”, të shkëputur nga kryevepra e Fyodor Dostoevskyt “Krim dhe ndëshkim”.

Me regji të Xhino Musollarit, shfaqja risjell ngjarjet e vitit 1866, duke i reflektuar mbi të tashmen dhe problematikat e saj.

“Shfaqja trajton plagë të shoqërisë ruse të asaj kohe, të cilat fatkeqësisht mbeten të pranishme edhe sot, ndaj publiku ftohet të reflektojë mbi mesazhet që përcillen”, thekson regjisori.

Përmes personazheve, publiku do të ndeshet me ideologji të ndryshme që sjellin transformim në jetën individuale, duke ndikuar edhe në zhvillimin apo degradimin e shoqërive.

“Marmelladov” do të ngjitet në skenën e Teatrit Metropol më 5, 6 dhe 7 shtator.

Gazetare: Katerina Kule

/rtsh.al/

teatri metropol

xhino musollari

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.