Temperaturat e larta në Shkodër- Fluks në urgjencë, të moshuarit shmangin orët e pikut

Sociale | 2 vite më parë

Temperaturat e larta kanë bërë që qytetarët shkodranë të shmangin ekspozimin në diell. Në rrugët e qytetit nuk ka lëvizje të zakonshme si ditë të tjera. Më tepër qyterarët e sidomos ato të moshës së tretë preferojnë të qëndrojnë nëpër lulishta, ku secili mundohet të zërë një hije për të kaluar disa orë paradite.

Qytetarët shprehen se këto ditë të nxehta bëjnë kujdes duke shmangur oraret e pikut dhe ndjekur këshillat e mjekëve.

Ndërkohë burime pranë Spitalit Rajonal bëjnë të ditur se në urgjencë paraqiten deri në 250 raste në ditë, që vijnë edhe nga Lezha e Laçi, duke qënë se spitali i Lezhës është në rikonsktruksion.

Një pjesë prej këtyre rasteve janë me komplikacione të shkaktuara nga i nxehti.

Këto ditë të javës dhe ajo që do të vijë, pritet të kenë temperatura edhe më të larta.

Gazetar: Mirsad Rakaj

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.