Teuta ndal vrullin e Dinamos, nuk ka fitues në “Elbasan Arena”

Abissnet Superiore | 12 muaj më parë

Është mbyllur në barazim pa gola 0-0 sfida Dinamo-Teuta, e vlefshme për javën e 10-të të kampionatit Abissnet Superiore. Ndeshja e transmetuar në RTSH Sport ka qenë e bukur dhe e luftuar, por kanë munguar golat.

Pas 2 fitoreve radhazi në kampionat, Dinamo ndalet në “Elbasan Arena” nga durrsakët. Të dyja skuadrat kanë pasur mundësitë e tyre për shënim, por nuk kanë arritur që të dërgojnë dot topin në rrjetë.

“Blutë” e Ilir Dajës kanë luajtur për 30 minuta me një lojtar më pak, për shkak të daljes me karton të kuq të Maliqit në minutën e 62-të.

Dinamo ngjitet në kuotën e 18 pikëve në klasifikim, ndërsa Teuta harron disfatën përballë Egnatias dhe me pikën e marrë në Elbasan shkon në kuotën e 15 pikëve në klasifikim.

Dinamo-Teuta

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.