Temperaturat e larta prej disa muajsh dhe mungesa e reshjeve kanë bërë që niveli i ujit në liqenin e Fierzës të shkojë drejt rënies, duke bërë që të jetë disa metra larg kuotës maksimale, kuotë të cilën e ka ruajtur deri në muajin qershor.

Aktualisht, niveli i ujit në liqenin e Fierzës është rreth 270 metra mbi nivelin e detit, afro 26 metra larg pikës maksimale. Prurjet në liqen janë rreth 40 m³ ujë në sekondë.

Pavarësisht temperaturave të larta dhe mungesës së reshjeve, rrënojat e Kukësit të vjetër ende nuk janë shfaqur mbi sipërfaqen e ujit, siç ndodhi vitin e kaluar.

Sipas parashikimeve meteorologjike, edhe kjo javë pritet të vijojë me temperatura të larta, çka mund të ndikojë më tej në uljen e nivelit të liqenit.

Situata pritet të përmirësohet vetëm nëse moti ndryshon, me rikthimin e reshjeve dhe uljen e temperaturave.

/rtsh.al/