Presidenti në largim i Kolumbisë, Gustavo Petro, ka shfrytëzuar vizitën e tij të fundit zyrtare jashtë vendit në Havanë për të lëshuar një thirrje ndërkombëtare për solidaritet me Kubën. Udhëtimi i kreut të shtetit kolumbian vjen në një moment tensioneve të larta rajonale, ndërsa ai propozoi vendosjen e një kanali dialogu me administratën amerikane.

Thirrja për dialog me Uashingtonin

Pas pritjes nga Presidenti Kuban, Miguel Díaz-Canel, udhëheqësi i parë i krahut të majtë në historinë e Kolumbisë i bëri thirrje komunitetit ndërkombëtar të parandalojë çdo ndërhyrje ushtarake në ishull.

Në një deklaratë për rrjetin e lajmeve Cubadebate, Petro nënvizoi nevojën për diplomaci të drejtpërdrejtë me drejtuesit e Uashingtonit:

“Kam ardhur t’i kërkoj njerëzimit të tregojë solidaritet me Kubën, në mënyrë që të mos ketë as pushtim dhe as lëshim raketash, dhe të propozoj, si alternativë, edhe për qeverinë aktuale të SHBA-së, z. Rubio dhe z. Trump, vendosjen e një dialogu.”

Ndërrimi i pushtetit në Bogotë

Vizita në Havanë shënon daljen e fundit ndërkombëtare të Petros si kreu i shtetit të Kolumbisë. Ai pritet të dorëzojë zyrtarisht detyrën më 7 gusht 2026, kur postin e Presidentit do ta marrë Abelardo De la Espriella.

Ndryshimi i udhëheqjes në Bogotë pritet të sjellë një kthesë të rëndësishme në politikën e jashtme të vendit jugamerikan, veçanërisht në raportet me Uashingtonin dhe me regjimet e krahut të majtë në rajonin e Karaibeve.

/rtsh.al/