Tragjedi në Alpet Zvicerane! Gjenden të vdekur pesë skiatorë pranë një resorti luksoz

Europë | 1 vit më parë

Pesë skiatorë janë gjetur të pajetë pranë majës Rimpfischhorn në Alpet Zvicerane, pas një operacioni intensiv kërkimi nga shërbimet e emergjencës.

Alarmi u ngrit të shtunën, kur ski të braktisura u zbuluan në një lartësi rreth 4,000 metrash mbi nivelin e detit.

Ekipet e shpëtimit, përmes kërkimeve ajrore dhe tokësore, zbuluan trupat pranë akullnajës Adlergletscher, në rajonin jugperëndimor të Zvicrës, afër kufirit me Italinë veriore.

Një helikopter u dërgua për të vëzhguar zonën përreth Rimpfischhorn pasi alpinistët njoftuan autoritetet për ski të braktisura pranë majës të shtunën.

“Trupat e pesë personave u gjetën shpejt”, tha policia zvicerane, duke shtuar se autoritetet po punonin për identifikimin e viktimave.

Autoritetet njoftuan se hetimet për zbardhjen e plotë të ngjarjes janë në zhvillim.

Rimpfischhorn është një mal 4,199 metra që shtrihet në lindje të Zermatt-it, pranë kufirit italian, dhe është i njohur për skiatorët e zonave të thella malore.

/rtsh.al/

ski

Zvicer

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.