Tragjedi në rrugën e Salarisë, kamioçina del nga rruga dhe bie te “Ura e Përroit”, humb jetën 50-vjeçari

Aktualitet | 9 muaj më parë

Një aksident me pasojë vdekjen është regjistruar mbrëmjen e sotme në qarkun e Gjirokastrës. Ngjarja e rëndë ndodhi rreth orës 20:55, në aksin rrugor rural që lidh fshatin Dhëmblan me Tepelenën.

Sipas burimeve zyrtare nga Policia, viktima është shtetasi A. Ç., rreth 50 vjeç, banues në fshatin Dhëmblan.

50-vjeçari po udhëtonte me një automjet tip kamioçinë kur, në rrethana ende të paqarta, ka humbur kontrollin e mjetit në segmentin që kalon përmes fshatit Salari.

Aksidenti ka ndodhur specifikisht në vendin e njohur si “Ura e përroit”. Dalja nga rruga në këtë pikë ka rezultuar fatale për drejtuesin e mjetit, i cili për shkak të plagëve të rënda ka ndërruar jetë në vendngjarje.

Shërbimet e Policisë dhe grupi hetimor kanë mbërritur menjëherë në zonë për të kryer veprimet procedurale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.