Bashkimi Evropian ka përsëritur qëndrimin e tij ndaj konfliktit Izrael-Hamas, në një kohë kur Izraeli shënon tre vjet nga sulmi i 7 tetorit 2023, që shkaktoi luftën në Gaza.

BE-ja dënon sulmin e Hamasit ndaj Izraelit më 7 tetor 2023, përfshirë vrasjen e civilëve dhe marrjen e pengjeve. Në të njëjtën kohë, institucionet evropiane kanë theksuar se e drejta e Izraelit për vetëmbrojtje duhet të ushtrohet në përputhje me të drejtën ndërkombëtare dhe me detyrimin për të mbrojtur popullsinë civile.

Brukseli ka shprehur gjithashtu shqetësim të thellë për situatën humanitare në Gaza, duke kërkuar që ndihmat humanitare të lejohen të hyjnë pa pengesa dhe që civilët të mbrohen.

BE-ja mbështet zbatimin e armëpushimit dhe një proces politik që do të çojë në çarmatimin e Hamasit, tërheqjen e forcave izraelite nga Gaza dhe krijimin e kushteve për një administrim civil të territorit.

Në planin afatgjatë, Bashkimi Evropian vijon të mbështesë zgjidhjen me dy shtete, me një Izrael të sigurt dhe një shtet palestinez, si rruga drejt një paqeje të qëndrueshme në rajon.

/rtsh.al/