Një shpërthim me tritol ka trondit Shkodrën. Sipas informacioneve paraprake, mësohet se lënda plasëse i është vendosur një mjeti të parkuar e për pasojë ka mbetur i plagosur punonjësi i Tatimeve, E.B.

Ngjarja ka ndodhur në lagjen “Arra e Madhe”. Ende nuk dihen rrethanat e ngjarjes, ndërsa policia ka mbërritur në vendngjarje për të kryer hetimet përkatëse dhe identifikimin e kapjen e autorit/ëve.

“Rreth orës 11:35, në lagjen “Ndoc Mazi”, në momentin që shtetasi E. B. ka ndezur automjetin e tij, ka shpërthyer një sasi lënde plasëse në automjet.

Si pasojë është dëmtuar shtetasi E. B., 38 vjeç, i cili është dërguar në spital dhe aktualisht është jashtë rrezikut për jetën.

Grupi hetimor, në drejtimin e Prokurorisë, po kryen veprimet për zbardhjen e rrethanave të rastit, identifikimin dhe kapjen e autorit/ëve”, thuhet në njoftimin e policisë.

/rtsh.al/