Tuneli i Llogorasë bllokohet nga dherat, radhë të gjata trafiku dhe vonesa

Aktualitet | 12 muaj më parë

Trafiku në hyrje të Tunelit të Llogorasë po përballet me radhë të gjata dhe bllokime, si pasojë e rënies së dherave që kanë mbuluar totalisht kalimin rrugor. Ky problem vjen si rezultat i drejtpërdrejtë i punimeve që po kryhen në anësoret e rrugës.

Dherat e rëna në karrexhatë kanë bllokuar plotësisht kalimin e automjeteve në hyrje të tunelit.

Për shkak se ndërhyrja për pastrimin dhe hapjen e rrugës zgjat disa orë, ka krijuar radhë të gjata trafiku dhe vonesa të shumta për drejtuesit e mjeteve që udhëtojnë në këtë aks.

Autoritetet rrugore dhe policia janë informuar dhe pritet ndërhyrja e mjeteve të rënda për zhbllokimin e aksit, me qëllim normalizimin e qarkullimit. Përdoruesit e rrugës këshillohen të tregojnë kujdes dhe të ndjekin udhëzimet e policisë rrugore në vendngjarje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.