U ngjit në skenë e Festivalit të Këngës pas 30 vitesh, Bleona Qereti: Njësoj e emocionuar si ditën e parë

Kulturë | 11 muaj më parë

Pas një mungese prej 30 vitesh, këngëtarja shumë e njohur dhe e dashur për publikun shqiptar, Bleona Qereti, u ngjit mbrëmjen e sotme në skenën e Festivalit të 64 të Këngës në RTSH. Ajo interpretoi hitin e saj të paharruar “Lërmëni”, këtë herë jo si konkurruese, por si një performancë speciale në natën finale të festivalit.

E pyetur nga prezantuesi Salsano Rrapi mbi përjetimet e këtij rikthimi, këngëtarja tha se ndjeu të njëjtat emocione si në daljen e parë.

“Sikur koha ka ndalur. Në momentin që dola në skenë dhe isha në skenën fluturuese do ta quaja unë, mu kujtua ’95, kjo skenë. Për mua koha ka ndaluar. Jam e mrekulluar nga skena, nga teknika, nga muzika, artistët e rinj. Unë jam njësoj e emocionuar si ditën e parë. Kisha të njëjtën veshje, por të ribërë nga fillimi”, tha këngëtarja.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.