UNICEF ka bërë të ditur se rreth 70% e fëmijëve në Ukrainë – afërsisht 3.5 milion – nuk kanë qasje në mallrat dhe shërbimet themelore, siç janë ushqimi ose strehimi adekuat, më shumë se tre vjet në luftën e vazhdueshme të vendit me Rusinë.

Sipas të dhëna të reja të publikuara nga UNICEF, kjo është një rritje katërfish nga 18% që po përjetonin të njëjtin nivel të “privimit material” në 2021, përpara se Rusia të pushtonte Ukrainën.

UNICEF tha se “sulmet e vazhdueshme dhe të pamëshirshme” nga Rusia në infrastrukturën e Ukrainës, si shtëpi, shkolla dhe ndaj lehtësirave të kujdesit shëndetësor kanë çuar në një rritje të privimit material.

“Shtatë nga 10 fëmijë po përjetojnë një privim të rëndë në njërën nga këto zona duke nisur nga ushqimi, veshjet, ngrënia, hapësira për të luajtur dhe të gjitha gjërat që çdo person do të dëshironte për atë fëmijë”, u shpreh Joe English, specialist i komunikimit me UNICEF.

Ai shtoi se ndërtimi i infrastrukturës për mbështetje psikosociale është gjithashtu kritik për shkak të fëmijëve që aktualisht kanë nevojë për mbështetje të shëndetit mendor dhe do t’ju duhen vite nga tani.

“Duke parashikuar atë mbështetje psikosociale, që fillon me një hapësirë të sigurt dhe më pas mbështetje të përkushtuar profesionale, për të ndihmuar fëmijët të përpunojnë përvojat që ata kanë kaluar” tha ai.

Raporti i UNICEF vjen ndërsa Rusia goditi Kievin me një sulm tjetër masiv ajror brenda natës, duke dërguar raketa dhe drone gjatë gati 10 orëve, sipas Presidentit të Ukrainës Volodymyr Zelensky.

Të paktën dy persona u vranë dhe 22 të tjerë u plagosën. Ministria e Mbrojtjes e Rusisë tha se sulmet e 10 korrikut synonin “objektet komplekse ushtarake-industriale” dhe një aeroport.

/rtsh.al/