Urgjenca e Shkodrës pret 140–150 vizita në ditë, bluzat e bardha e vlerësojnë normale për periudhën

Sociale | 1 vit më parë

Aktualisht Urgjenca e spitalit rajonal Shkodër po përballon një fluks prej 140-150 vizita në ditë. Për shefin e urgjencës doktor Ardjan Dajtin kjo konsiderohet situatë normale bazuar në periudhën që jemi aktualisht.

“Përgjithësisht situata është në kushte normale, është një numër mesatar”, u shpreh shefi i urgjencës.

Deri më tani nuk ka pasur asnjë rast që ka rezultuar pozitiv me Covid 19, megjithatë Dajti tregon se janë në situatë vigjilente.

“Deri tani nuk kemi rast të dyshuar por kemi dëgjuar nga media dhe e kemi në vëmendje por nuk kemi një rast konkret”, tha Dajti.

Rastet më të shpeshta që paraqiten në urgjencë janë virozat stinore, problem me tensionin tek moshat e treta apo edhe rastet gastroenterite.

Gazetare: M. Gjoni

/rtsh.al/

Ardjan Dajtin

shkodra

urgjenca

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.