Mbërritja e anijes luftarake amerikane “USS Mount Whitney” në Porto Romano shënon një moment historik, duke qenë ndalesa e parë e një anijeje të tillë amerikane në këtë port. Ky zhvillim konsiderohet si një fazë e re në modernizimin ushtarak të Shqipërisë dhe një hap i rëndësishëm në partneritetin strategjik mes Shqipërisë dhe Shteteve të Bashkuara të Amerikës në fushën e mbrojtjes dhe sigurisë. Njoftimi nga Ambasada e SHBA-së në Tiranë thekson rëndësinë e këtij bashkëpunimi të fortë mes dy vendeve.

“Mirë se vjen në Shqipëri, USS MOUNT WHITNEY! Kjo është ndalesa e parë e një anijeje luftarake amerikane në Porto Romano. Mirëpresim këtë fazë të re në modernizimin ushtarak të Shqipërisë dhe këtë hap të radhës në partneritetin e fortë mes vendeve tona.”, shkruan ambasada amerikane në një postim në faqen e saj zyrtare në rrjetet sociale.

/rtsh.al/