E ngarkuara me punë e SHBA Nancy VanHorn, ka zhvilluar ditën e sotme një takim me ministren e Shëndetësisë dhe Mirëqenies sociale Evis Sala. Ambasada amerikane njofton përmes një postimi në Facebook se në këtë takim, i pari zyrtar i zhvilluar mes VanHorn dhe Ministres Sala, diskutimet u përqendruan në përdorimin e inovacionit dhe transparencës për transformimin e kujdesit shëndetësor.

Po ashtu, në takim u shqyrtua edhe se si kompanitë farmaceutike dhe teknologjia amerikane mund të përmirësojnë ofrimin dhe cilësinë e shërbimeve të shëndetit publik

“Në takimin e tyre të parë zyrtar, e Ngarkuara me Punë Nancy VanHorn dhe Ministrja e Shëndetësisë dhe Mirëqenies Sociale Evis Sala diskutuan se si inovacioni dhe transparenca mund të transformojnë kujdesin shëndetësor. Ato shqyrtuan se si kompanitë farmaceutike dhe teknologjia amerikane mund të përmirësojnë ofrimin dhe cilësinë e shërbimeve të shëndetit publik për të gjithë”, shkruan ambasada amerikane.

/rtsh.al/