Vazhdon sezoni i shartimit të pemëve në Finiq. Sadush Malaj, ushtrohet prej 41 vjetësh

Aktualitet | 1 vit më parë

Ish-ushtaraku, Sadush Malaj asnjëherë nuk e harroi profesionin e agronomit të mesëm, të cilin e ushtron prej 41 vitesh.

Me origjinë nga Mallakastra, ai prej vitesh jeton në qytetin e Sarandës teksa përkujdeset për shartimin e pemëve në disa Bashki të Qarkut të Vlorës.

Malaj, edhe pse e ka pasion agronominë thotë se është e vështirë të garantohen të ardhurat vetëm me këtë profesion.

“Më ka pëlqyer ky lloj zanati dhe nuk e kam lënë. Duke kaluar vitet dhe duke e përforcuar sa më shumë si zanat. Siguron diçka. Është punë e përkohshme, fillon në shkurt dhe mbaron në muajin maj. Periudha më e mirë është ajo e prillit, pasi është sezoni i pemës së ullirit”, tha Malaj.

Në 58 fshatrat e Finiqit ka edhe specialistë të tjerë që ushtrojnë profesionin e shartuesit të pemëve.

/rtsh.al/

finiq

sadush malaj

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.