Vendimi i Kushtetueses për zgjedhjet në Tiranë, Berisha: Rama mori goditje fatale, asgjë s’mund të nxirret jashtë kuadrit kushtetues

Politikë | 1 vit më parë

Kryedemokrati Sali Berisha ka reaguar për vendimin e dhënë dje nga Gjykata Kushtetuese e cila pezulloi dekretin e presidentit Bajram Begaj për zgjedhjet e 9 nëntorit në Bashkinë e Tiranës.

Berisha deklaroi se ky vendim, ishte një goditje e rëndë për kryeministrin Edi Rama, ndërsa garantoi se asgjë nuk do të nxirret jashtë kuadrit kushtetues.

“Pasi mori një goditje fatale nga vendimi i Gjykatës Kushtetuese, Edi Rama njoftoi se do vazhdojë në rrugën Xhaçka, do bëjë atë që bëri me Xhaçkën.

Por, i garantoj qytetarët e Tiranës se duke respektuar plotësisht vendimin e Gjykatës Kushtetuese dhe duke dënuar me forcën më të madhe edhe njëherë aktin e shëmtuar dhe të papërgjegjshëm të presidentit kukull të Edi Ramës, asgjë nuk do mund të nxirret jashtë kuadrit kushtetues. Kjo është përgjigja ime”, deklaroi Berisha.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.