VIDEO- Votimi për kryebashkiak në Mat, materialet zgjedhore mbërrijnë në 47 qendra

Politikë | 12 muaj më parë

Vetëm pak orë para nisjes së procesit të votimit, Komisioni i Zonës Administrative Zgjedhore (KZAZ) 16 në Mat përfundoi shpërndarjen e materialeve zgjedhore në të gjitha qendrat e votimit.

Komisionerët e 47 qendrave u paraqitën në pallatin e sportit “Ferit Hysa” në Burrel, ku është vendosur selia e KZAZ-së, për tërheqjen e dokumentacionit dhe mjeteve të nevojshme për votimet e së dielës. Procesi i shpërndarjes u krye pa probleme, duke mos u konstatuar mungesa në dokumentacion apo çështje të lidhura me komisionerët.

Rreth 26,700 qytetarë me të drejtë vote në Bashkinë Mat do të kenë mundësinë të zgjedhin drejtuesin e ri të bashkisë. Qendrat e votimit do të hapen nesër në orën 7:00 të mëngjesit dhe do të mbyllen në orën 18:00 të pasdites.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.