Vihet në kontroll zjarri pranë një hoteli në Vlorë

Aktualitet | 2 muaj më parë

Një vatër e re zjarri është shfaqur pasditen e sotme pranë një hoteli në zonën e Ujit të Ftohtë në Vlorë. Flakët kanë përfshirë një sipërfaqe me pisha, duke alarmuar banorët dhe pushuesit e zonës.

Menjëherë në vendngjarje kanë mbërritur dy mjete zjarrfikëse. Efektivët e shërbimit të zjarrfikësve kanë ndërhyrë për izolimin dhe shuarjen e flakëve.

Pas ndërhyrjes, situata është vendosur nën kontroll dhe zjarri është fikur. Sipas të dhënave paraprake, shkaku i zjarrit lidhet me humusin e nëntokës, i cili vijon të digjet dhe, i ndikuar nga era, mund të rindizet në sipërfaqe.

Zjarrfikësit kanë vazhduar punën për të siguruar që vatra të mos riaktivizohet dhe zjarri të mos përhapet në zonat përreth.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.