Vijon zjarri në landfillin e Elbasanit, tymi mbulon zonën

Aktualitet | 1 vit më parë

Zjarri i rënë prej ditës së djeshme (1 korrik) në landfillin pranë inceneratorit të Elbasanit vijon të jetë aktiv. Gazetari i RTSH-së, Enes Molla, bën me dije se flakët kanë përfshirë pothuajse 50% të sipërfaqes së landfillit, ndërsa tymi i dendur ka mbuluar zonën.

Flakët janë ndihmuar nga temperaturat e larta dhe era e fortë, duke e vështirësuar punën e zjarrfikësve.

Ministria e Mbrojtjes bën me dije se në terren ndodhen 3 automjete zjarrfikëse me 15 efektivë të bashkisë Elbasan, 2 automjete zjarrfikëse me 10 efektivë dhe 1 traktor me zinxhirë nga Forcat e Armatosura dhe 3 automjete zjarrfikëse nga bashkitë e tjera.

Shkaqet e zjarrit nuk dihen ende, teksa Bashkia e Elbasanit, në një reagim ditën e djeshme i bëri thirrje autoriteteve ligjzbatuese të marrin masa në rastet kur kemi të bëjmë me zjarrvënie të qëllimshme.

/rtsh.al/

elbasan

zjarr

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.