Von der Leyen: “Barbaria” në Shostka synon civilët, BE-ja rrit presionin mbi Rusinë

Botë | 1 vit më parë

Presidentja e Komisionit Evropian, Ursula von der Leyen, ka dënuar ashpër atë që ajo e quajti “barbari ruse” pas shfaqjes së imazheve tronditëse nga stacioni i trenit në qytetin Shostka të Ukrainës.

Nëpërmjet një postimi në rrjetet sociale, Von der Leyen theksoi se skenat nga Shostka “nxjerrin në pah gatishmërinë e pamatur dhe të vazhdueshme të Rusisë për të shënjestruar civilët.”

Ajo siguroi se Bashkimi Evropian (BE) do të qëndrojë pranë Ukrainës, ndërsa theksoi nevojën për veprim të mëtejshëm ndërkombëtar.

“BE-ja dhe partnerët e saj globalë duhet të vazhdojnë të rrisin presionin mbi Rusinë derisa ajo më në fund të bjerë dakord për një paqe të drejtë dhe të qëndrueshme,” përfundoi Presidentja.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.