Vrasja e Liridona Ademajt, i akuzuari Naim Murseli dërgohet për ekzaminim psikiatrik

Kosovë | 1 vit më parë

Naim Murseli, i akuzuari për vrasjen e bashkëshortes së tij, Liridona Ademaj, është shtruar në Institutin e Psikiatrisë së Mjekësisë Ligjore në Qendrën Klinike Universitare të Kosovës, ku do të qëndrojë për disa javë.

Kërkesa për këtë ekzaminim është bërë disa ditë më parë nga mbrojtja e tij, e cila i është drejtuar Gjykatës Themelore të Prishtinës me qëllim që të përcaktohet gjendja mendore e të akuzuarit.

Murseli dhe të akuzuarit e tjerë, Granit Plava, Kushtrim Kokalla dhe Tom Dodaj, u vunë më 15 janar të këtij viti zyrtarisht nën akuzë për vrasjen, në nëntorin e kaluar, të bashkëshortes së Murselit, Liridona Ademaj, e cila u qëllua për vdekje mbrëmjen e 29 nëntorit 2023 në hyrje të fshatit Bërnicë të Prishtinës, teksa po kthehej në shtëpi së bashku me bashkëshortin dhe dy fëmijët.

Gazetare: Elda Pepa

/rtsh.al/

liridona ademaj

naim murseli

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.