Policia ka vënë në pranga dy nga autorët e dyshuar të vrasjes së 23-vjeçarit Renis Dobra, më 8 korrik në zonën e Shkopetit ne Mat. Të arrestuarit janë Petrit Çakrri, i ndaluar në Tropojë, dhe Fatjon Bushgjoka, i kapur në Tiranë, ndërsa vijon puna për kapjen e dy vëllezërve Kristi dhe Aleksandër Bushgjokaj.

Tre vëllezërit dyshohen si organizatorë të rrëmbimit dhe vrasjes së të riut, ndërsa Çakrri si person që i ka ndihmuar. Nga hetimet e deritanishme dyshohet se dy të arrestuarit dhe viktima ishin përfshirë më herët në aktivitetin e paligjshëm të tregtimit të lëndëve narkotike në Gjermani. Sipas hetimeve dyshohet se Renis Dobra i kishte mashtruar vëllezërit Bushgjoka, çka mendohet të ketë qenë motivi kryesor për eliminimin e tij. 

Sakaq policia arriti në gjurmët e të dyshuarve nga automjeti i marrë me qira nga autorët në aeroportin e Rinasit, duke u bërë  element kyç në identifikimin dhe ndjekjen e lëvizjeve së tyre përpara dhe pas krimit të rëndë. Automjeti u lokalizua përmes kamerave të sigurisë dhe gjurmimit GPS. Një ditë pas raportimit si I zhdukur mëngjesin e 9 korrikut, policia gjeti trupin e  Renis Dobrës pranë liqenit të Shkopetit. Hetimet treguan se 23-vjeçari ishte dhunuar, mbytur me litar dhe më pas ishte hedhur në një zonë me shkurre rreth 10 metra larg bregut të liqenit, së bashku me automjetin që ai përdorte.

/rtsh.al/