Vrasje me armë zjarri në Shkodër, viktimë një 61-vjeçar

Aktualitet | 1 vit më parë

Një vrasje me armë zjarri ka ndodhur të enjten rreth orës 20:00 në fshatin Abat të Shalës, në Shkodër. Viktima është 61-vjeçari, Piro Prroni.

Sipas informacioneve paraprake të policisë, autori i dyshuar i krimit është shtetasi N. M., i cili pas ngjarjes është larguar dhe është shpallur në kërkim. Rrethanat dhe motivet e vrasjes mbeten ende të paqarta.

Menjëherë pas marrjes së njoftimit, shërbimet e Policisë së Shtetit janë nisur drejt fshatit për të bërë të mundur kapjen e autorit.

Gjithashtu, një grup i posaçëm hetimor është ngritur për të zbardhur plotësisht ngjarjen dhe për të mbledhur provat e nevojshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.