Një ngjarje e rëndë kriminale shënoi sot pasdite lagjen e Kalasë në Berat, ku një konflikt rezultoi me pasoja fatale.

Rreth orës 15:10, Policia e Beratit konfirmoi se në lagjen historike të Kalasë ka ndodhur një vrasje. Shtetasi K. M. (i njohur edhe si K. H.), 63 vjeç, banues i lagjes “Barrikadë” në Berat, dyshohet se ka goditur me mjet prerës shtetasin K. H., 42 vjeç, banues i Tiranës.

Si pasojë e plagëve të marra gjatë konfliktit, i cili sipas burimeve paraprinte nga motive të dobëta, 42-vjeçari humbi jetën gjatë transportit drejt spitalit.

Menjëherë pas njoftimit, shërbimet e Policisë kanë nisur një operacion të gjerë për kapjen e autorit. “Shërbimet e Policisë janë vënë në ndjekje të autorit dhe po kontrollojnë zonën për kapjen e tij,” bëri të ditur Policia.

Grupi hetimor ka mbërritur në vendngjarje dhe po vijon punën intensive për dokumentimin e plotë të ngjarjes dhe zbardhjen e rrethanave që çuan në këtë akt tragjik.

/rtsh.al/