Xavi prezantohet te Holanda: Lidhje speciale me këtë vend, falë Cruyff dhe van Gaal

Futboll Bota | 3 muaj më parë

Xavi Hernandez është zyrtarisht trajneri i ri i kombëtares së Holandës. Trajneri spanjoll, ish-legjendë e Barcelonës, arriti një akord me Federatën e Holandës për një kontratë deri në vitin 2030, kur luhet Botërori i ardhshëm.

“Duke qenë se jam rritur në sektorin e të rinjve të Barcelonës, me influencën e fortë të figurave si Johan Cruyff dhe Rinus Michels, jam bir i futbollit holandez”, – ka thënë Xavi për faqen e Federatës holandeze.

“Edhe trajnerë të tjerë të mëdhenj, në veçanti Louis van Gaal, me të cilin ka debutuar te Barcelona, dhe Frank Rijkaard, kanë pasur një rol të rëndësishëm për mua, si futbollist dhe si trajner”, – ka shtuar spanjolli në fjalën e tij të prezantimit në krye të “Tulipanëve”.

holanda

Xavi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.