Presidenti i Ukrainës, Volodymyr Zelensky, ka deklaruar se vrasja e ish-kryetarit të Parlamentit ukrainas, Andrii Parubii, ishte e planifikuar me kujdes.

Kreu i shtetit njoftoi se ministri i Brendshëm, Ihor Klymenko, dhe Prokurori i Përgjithshëm, Ruslan Kravchenko, po hetojnë rrethanat e vrasjes së Andrii Parubii.

“Janë përfshirë shumë forca. Fatkeqësisht, krimi ishte përgatitur me kujdes, por po bëhet gjithçka për të zgjidhur këtë krim”, tha Volodymyr Zelenskyy.

Ai shtoi se Shërbimi i Sigurisë së Ukrainës (SBU) është gjithashtu i përfshirë në hetim.

Presidenti udhëzoi që “të sigurohet menjëherë informacion i verifikuar” .

Siç u raportua, më herët, Andrii Parubii, ish-kryetari i Parlamentit ukrainas u vra në Lviv ditën e sotme.

Presidenti Zelensky theksoi se ministri i Brendshëm i Ukrainës, Ihor Klymenko, dhe Prokurori i Përgjithshëm, Ruslan Kravchenko, kishin raportuar tashmë për rrethanat e para të njohura të vrasjes.

Zyra e Prokurorit të Përgjithshëm njoftoi se një operacion i posaçëm u nis në Lviv për të gjetur autorin e dyshuar të vrasjes.

Ata konfirmuan se vrasësi kishte qëlluar disa herë mbi Parubii, duke e lënë të vdekur në vend.

/rtsh.al/