Zëvendëspresidenti i Autoritetit Palestinez, Hussein al-Sheikh, ka deklaruar se ka zhvilluar një takim me ish-kryeministrin britanik Tony Blair, i cili pritet të udhëheqë një organ tranzitor pasluftarak për Rripin e Gazës.

Takimi u fokusua në “armëpushimin dhe fillimin e rikuperimit dhe rindërtimit” në këtë zonë.

Sipas al-Sheikut, i cili postoi në platformën ‘X’, dyshja diskutuan “ditën pas luftës dhe përpjekjet për të bërë të suksesshëm planin e presidentit Trump, i cili synon ndalimin e luftës dhe vendosjen e një paqeje të qëndrueshme në rajon”.

“Ne kemi konfirmuar gatishmërinë tonë për të punuar me presidentin Trump, z. Blair dhe partnerët për të konsoliduar armëpushimin, hyrjen e ndihmës, lirimin e pengjeve dhe të burgosurve, dhe më pas të fillojmë me rikuperimin dhe rindërtimin”, ka theksuar ai.

التقيت اليوم بالسيد توني بلير لبحث اليوم التالي وسبل انجاح جهود الرئيس ترمب التي تهدف لوقف الحرب واقامة السلام الدائم في المنطقة. وقد اكدنا استعدادنا للعمل مع الرئيس ترامب ومع السيد بلير والشركاء المعنيين من اجل تثبيت وقف اطلاق النار وادخال المساعدات وإطلاق سراح الرهائن والاسرى… pic.twitter.com/idon0r8ksG

— حسين الشيخ Hussein Al Sheikh (@HusseinSheikhpl) October 12, 2025

Al-Sheiku u shpreh gjithashtu se “minimi i Autoritetit Palestinez duhet të ndalet”, duke dhënë si shembull kundërshtimin e Izraelit ndaj zgjidhjes me dy shtete dhe mbajtjen e të ardhurave tatimore nga PA për shkak të pagesave mujore për të burgosurit, përfshirë terroristët, dhe familjet e agresorëve të vdekur.

Kjo deklaratë vjen në një kohë kur nga presidenti Trump është propozuar plani 20-pikësh për të përfunduar konfliktin gati dy-vjeçar mes Izraelit dhe Hamasit.

Plani parashikon një armëpushim të fazuar, tërheqje izraelite, lirimin e pengjeve dhe hyrjen e ndihmës humanitare, si dhe krijimin e një bordi tranzitor ndërkombëtar për Gazën, të quajtur “Bordi i Paqes”, i cili do të kryesohet nga vetë Trump dhe do të përfshijë Tony Blairin si anëtar kryesor.

/rtsh.al/