Zgjedhjet e pjesshme vendore, KQZ i hap rrugën dy kandidatëve në Vlorë dhe Berat për të mbledhur firmat për t’u zyrtarizuar në zgjedhjet e 9 nëntorit

Politikë | 1 vit më parë

Komisioneri Shtetëror i Zgjedhjeve (KSHZ) ka hedhur një hap të rëndësishëm procedural, duke zyrtarizuar dy komitete nismëtare që i paraprijnë kandidaturave të propozuara direkt nga zgjedhësit në zgjedhjet e pjesshme për kryetarë bashkie.

Ky vendim vlen për dy bashki:

Vlorë- U regjistrua Komiteti Nismëtar për paraqitjen e Dionis Sota si kandidat i propozuar nga zgjedhësit.

Berat- U regjistrua Komiteti Nismëtar për paraqitjen e Pavlo Shkarpa si kandidat i propozuar po ashtu nga qytetarët e kësaj bashkie.

Regjistrimi i këtyre komiteteve u jep zyrtarisht dritën jeshile dy kandidatëve për të nisur procesin e mbledhjes së firmave të nevojshme të qytetarëve, një procedurë e domosdoshme për t’u futur në fletën e votimit në zgjedhjet e 9 Nëntorit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.