Zgjedhjet e pjesshme vendore, Celibashi u jep mandatet pesë kandidatëve fitues për kryetar bashkie

Politikë | 12 muaj më parë

Me vendimin e Komisionerit Shtetëror të Zgjedhjeve Ilirjan Celibashi, të marrë në seancën e sotme publike, procesi i zgjedhjeve të pjesshme të 9 Nëntorit 2025 është zyrtarizuar plotësisht. Dhënia e mandateve për pesë kryetarët e rinj të bashkive shënon jo vetëm një akt formal, por edhe juridik.

Partia Socialiste arriti të sigurojë të gjitha postet e kryetarëve të bashkive ku u zhvilluan zgjedhjet: Vlorë (Brunilda Mersini), Berat (Ervin Ceca), Cërrik (Florenc Doka), Mat (Altin Bojni) dhe Tepelenë (Gramos Sako).

Përveç kryetarëve, KQZ -ja plotësoi edhe vakancat në disa këshilla bashkiakë, duke treguar një pasqyrë të ndarjes së forcave më lokale:

Partia Socialiste mori një vend në Këshillin e Matit (Pranvera Koka).

Partia Bindja Demokratike plotësoi një vakancë në Tropojë (Shyqyri Hoxha).

Koalicioni “Bashkë Fitojmë” siguroi një vend në Këshillin e Himarës (Ervis Çaushaj).

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.