Zhvillohet seanca e radhës në GJKKO ndaj Ilir Metës dhe Monika Kryemadhit

Aktualitet | 5 muaj më parë

Në Gjykatën e Posaçme po zhvillohet seanca e radhës e gjykimit në themel ndaj ish-Presidentit të Shqipërisë, Ilir Meta, dhe ish-bashkëshortes së tij, Monika Kryemadhi.

Ilir Meta është i pranishëm në sallën e gjyqit, i vendosur në kafazin e xhamit, ndërsa në seancë merr pjesë edhe Monika Kryemadhi. Edhe në këtë seancë, prania e mediave brenda sallës së gjyqit nuk është lejuar.

Meta ndodhet në paraburgim që prej 21 tetorit 2024. Dosja e njohur si “Meta” përfshin tre hetime të bashkuara, që lidhen me çështjen e njohur si CEZ-DIA, lobimin në Shtetet e Bashkuara të Amerikës dhe hetimin pasuror.

Sipas akuzës së ngritur nga organi i ndjekjes penale, Ilir Meta dhe Monika Kryemadhi përballen me akuza për korrupsion pasiv, pastrim parash dhe mosdeklarim pasurie.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.