Një zjarr i fuqishëm ka shpërthyer në hotelin luksoz “Le Bristol Paris”, shumë pranë Pallatit Élysée në Paris, duke shkaktuar panik dhe evakuimin e rreth 400 personave.

Sipas raportimeve, flakët nisën në kuzhinën e katit të nëndheshëm të hotelit, ndërsa në vendngjarje ndërhynë menjëherë dhjetëra zjarrfikës për të vënë situatën nën kontroll. Si pasojë e incidentit, disa persona mbetën të lënduar lehtë, kryesisht punonjës që tentuan të shuajnë zjarrin.

Autoritetet mbyllën zonën përreth dhe u kërkuan qytetarëve të shmangnin rrugët pranë hotelit, ndërsa operacionet e emergjencës vijuan për disa orë. Hoteli, i njohur për pritjen e liderëve botërorë dhe figurave të njohura, ndodhet në një nga zonat më të sigurta dhe të rëndësishme të kryeqytetit francez.

Fatmirësisht, zjarri u vu nën kontroll dhe situata është aktualisht e stabilizuar, ndërsa autoritetet po hetojnë shkaqet e incidentit.