Zjarr në ish-fushën e mbetjeve në Lushnje, flakët vihen nën kontroll

Aktualitet | 1 vit më parë

Një zjarr i madh ka përfshirë ish-fushën e grumbullimit të mbetjeve urbane në Lushnje, pasi një fermer që po digjte mbeturina në tokën e tij bujqësore humbi kontrollin mbi flakët. Era e fortë përhapi shpejt zjarrin drejt vendgrumbullimit të mbetjeve.

Përmasat e flakëve u rritën me shpejtësi, ndërsa tymi dhe smogu mbuluan të gjithë zonën përreth. Katër ekipe zjarrfikësish të Bashkisë Lushnje, të mbështetur nga efektivë të Policisë së Shtetit dhe banorë të zonës me mjete rrethanore, arritën të parandalojnë depërtimin e zjarrit në banesa.

Aktualisht, flakët janë vënë nën kontroll. Policia ka identifikuar autorin e zjarrvënies dhe po vijon kërkimet për kapjen e tij.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.